مالك إلا بنت عمك

مالكـ... إلـاـ... بنتـــ... عمكــ... لو تمـوت...




عجبني الموضوع للنقاش
وحبيت أطرحه لكم ~




"



تركي ( يبه أنا نويت أتزوج والبنت موجودهـ وأنا مابي غيرها )...!
أًبو تركي ( ماراح تاخذ هالبنت لو كان آخـــر يوم بعمري)...
تركي (بـــس هذا حـــرام... يبه أنا أحبـــها وأبيها على سنة الله ورسوله )
أبو تركي ( وبـــنت عمك إللي من يوم أنولدتو وحنــا نقول إنكم لبعض...
ودك تنزل كلمـــتي الأرض وتوطي راسي قدام عمك)..
تركي ( يبه بس هذي حياتي أنا الي راح اتزوج مو انت ولا عمي )
أبو تركي ( وهذي عادتنا وتقاليدنا ومو انت ياولد امس تجي تغيرها عشان بنت عاشقها )
تركي ( يبه حرام عليكم تحددون وتخططون لنا حياتنا وحنا أصحاب الشأن يمكن البنت ماتبيني )
أبو تركي ( أقول اسكت ولا كلمه مابقى الا البنات يسير شورهم بأيدهم رح بس رح )



/؟/
/؟/
/؟/



كثير سمعنا هالكلام وياما تردد على مسامعنا وماتخلى هالسالفه في أي بيت ..
وياما انهدمت بيوت بسبة هالشي وياما عمربيوت ..
ياما كسرت قلوب محبين وياما جمعت حبايب ..
ياما بنات وشباب أنظلمو بقرارات أهلم الي تحت شعار ( البنت مالها الا ولد عمها ) أو اي شخص قريب لها يقدر أنه يحجزها وتكون أسيرته طول العمر ..

يمكن فيه أهالي صحو من غفلتهم وأيقنو إن الزواج عمر ثاني ولابد يكون الشريكين متفقين من جميع النواحي ومو من ناحيه وحده الي هي الاصل وبس ..

الجهل دمر بيوت كثيرهـ وحطم أمال عديدهـ .. لكن الصدمه لما يكون الشخص أو الوالي متعلم ومازال هالتفكير بذهنه ومازال متحجر من هالناحيه ..


منو له الحق أنه يخطط ويرسم لنا حياتنا ؟؟



ومنو له الحق يحدد مصيرنا ؟؟

ومنو له الحق يربطنا بأنسان/هـ مانحمل له/ـا في قلوبنا ذرة حب ؟؟




أسأله أنطرحت كثير لكن للاسف محد سمع لهم أو فكر فيهم الكل مهتم بنفسه وبعاداته الي بعضها فيها ظلم كثير ..

أنا ماني ضد العادات التقاليد لا بالعكس أنا افتخر فيها بس مو كلها حلوهـ فيها عيوب وهالعيب هو الاساس ..


بس لي متى يكون هالتحجر موجود في جميع القبائل ؟؟
( لا مانزوج البنت لولد عمها )



طيب يمكن هالرجال الي جا يخطب أحسن من ولد العم مليون مرهـ ..

(أقول وش هالكلام حنا قارعين ( حاجزين ) بنت عمك ومالك الا هي لو تموت )
طيب يمكن البنت مو كفوا لها الرجال او يمكن تكون طايشه ومو قد الزواج ..

كلام كثير لو بنتكلم عنه بيخلص الحبر والكلام مايخلص ..

مايخفى علينا إن فيه بنات كثير أنظلمو مع شباب كانو هم مظلومين ..
عاشوا مع بعض أغراب بعضهم قدر يتعايش لكن الي بقلبه شخص ثاني صعب يتقبل الفكرهـ ..
نهايتها يا طلاق وخراب بيوت أو عايشين لغيرهم ..


قصص كثيرهـ تبكي القلوب وأحلام وحب طاهر تبخر ..

يمكن الولد له كلمه ويقدر يقول لا مابي هالزواج وحتى لو تزوج يقدر ياخذ عقبها ثانيه وثالثه ورابعه يعني تزوجها بس عشان أهله ..

لكن وش ذنب البنت الي تكون أسيرة أهلها وتتمنى الفرج وتنتظر الي تحب وتكمل معه مشوار حياتها وفجأه يجي الاب ويقول (( لا )) هالكلمه الي تكرهها حيل وياما ترددت على مسامعها ..
لا البنت محجوزه لولد عمها (( الي مادرى عن هوا دارها )) تنطر والعمر يمر وهي تنطر والخطابه كل مالهم يقلون ومازالت تنطر ..
فجأه وهذي الصدمه ( لا مابيها كبرت في السن وبعدين أنا دكتور او انا مهندس وش راح يقولون عني الناس .. خلاص طيب باخذها عشان كلمة أبوي لعمي بس ترا بتكون هي والحيط واحد )
ساعتها الموت أرحم ولا كل هالأنتظار الي حطم قلبها والذنب مو ذنبها أنها سارت كذا !!



مع تردد كلمة البنت محجوزهـ شي طبيعي إن الكل بيغض البصر عنها ..
وكل مارددنا الصبر مفتاح الفرج نلاقي الصبر ضاع مع مفتاحه ولا يبقى لنا الا إنا نرضخ لهالقرارات الي ماتجيب الا الألم والجرآح ..

أعذروني ع الاطاله بس الكلام كثير ومثل ماقلت الحبر يخلص وهو ماخلص ..
أفكار جاهليه ظلمت ناس كثيرهـ وارد واقول مو الكل .. فيه ناس توفقوا وعمروا بيوت ..
بس أنا أتكلم عن الاغلب والي قاعد نشوفه ومازال موجود ومادري متى بينتهي !!



"



ناخذ أرائكم ووجهة نظركم في هالموضوع ..



برايكم منو المذنب الاول في هالأمر ؟؟

منو له الحق انه يحدد مصيرنا وحياتنا المستقبليه ؟؟

اذا جاك شخص كنتي مفكرته حسبة أخوك ومن يوم كنتوا صغار وانتوا مع بعض ولا مره فكرتي أنه بيكون شريك حياتك وفجأه قرروا الاهل أنكم لبعض ؟؟
ساعتها شنو رايك ؟؟ (( للبنات ))

وأنت شنو رايك بمسألة ترى بنت عمك أو خالك محجوزه لك ولا تحط احد في بالك ؟؟ وانت بالاصل ماتفكر فيها

وهل هالشي الا الأن متواجد في العائله أو القبيله ؟؟

وهل أنتو مع أو ضد هالتفكير ؟؟




"



قال الرسول صلى الله عليه ولم (( من أتاكم من ترضون دينه وخلقه فزوجوهـ فإن لم تفعلوا تكن فتنتة وفساد كبير )) ..





ودمتم برعاية الله ~

ردوووووووووووووووووووووووووود